എന്നെപ്പറ്റി അവരൊക്കെ എന്ത് പറയുന്നു.......
ജോബിന് പകരക്കാരനായി മലപ്പുറത്ത് എത്തിയശേഷമുള്ള ഓരോ ഫോണ് സംഭാഷണത്തിനും അവന് തുടക്കമിടുന്നത് ഇങ്ങനെയാവും. പിന്നെ പേരെടുത്ത് ഓരോരുത്തരെക്കുറിച്ചും അന്വേഷണം. ഇടക്കിടെ എന്നെക്കുറിച്ച് അവന് എന്തെങ്കിലും പറഞ്ഞോയെന്ന ചോദ്യം.....ജോബിന്െറ ഓര്മകള് കുറിക്കാനിരിക്കുമ്പോഴും ഈ ചോദ്യം മുഴങ്ങുന്നു. ഈ ഓര്മക്കുറുപ്പ് അവനെ തൃപ്തനാക്കുമോ? എത്രയെഴുതിയിട്ടും ഒന്നും പോരെന്നൊരു തോന്നല്. അവന് ഇഷ്ടമാകുമോയെന്ന സംശയം. ഒടുവില് കുറിച്ചിട്ട നെല്ലിയാംമ്പതി യാത്രയും അട്ടപ്പാടി വിശേഷവും പാലക്കാടന് കോട്ടയിലെ ജയില് കാഴ്ചയും മായിച്ചു. ഓര്മകളൊന്നും പോരെന്ന തോന്നല്.
----------------------
എടാ പോടാ വിളികളില്ലാതെ പേരുവിളിച്ചുമാത്രം സംസാരത്തിന് തുടക്കമിടുന്ന ജോബിന് കോഴിക്കോടന് കാലത്ത് ആദ്യം കൗതുകമായിരുന്നു. സംസാരത്തില് പാലാ ചുവ നിറയുന്ന ‘ഹിന്ദു’ പത്രത്തിന്െറ ആരാധകനായിരുന്ന അവന് പിന്നെ നല്ല ചങ്ങായിയായി... പക്ഷേ ഈ പാലാക്കാരന് മാണി സാറിന്െറ ഏതിര്ചേരിയിലായിരുന്നുവെന്ന കാര്യം മാത്രം ഉറക്കെപ്പറഞ്ഞു. താമസസ്ഥലത്തിനടുത്ത വീട്ടുകാര്ക്കൊപ്പം പള്ളിയില് പോകാന് അവനൊപ്പം ഞങ്ങള് മല്സരിച്ചു.എങ്കിലും അവന് തന്നെയാവും ഒന്നാമത്. വയനാട്ടിലെ പേരറിയാത്ത കുന്നിന്മുകളില് ഓടിക്കയറുമ്പോഴും എന്നും ഉയരം മാത്രം സ്വപ്നം കണ്ടിരുന്ന അവന് തന്നെയായിരുന്നു മുന്നില്. യാത്രയേറെ ഇഷ്ടപ്പെട്ടിരുന്ന ഒരു യാത്രയില് തന്നെ മടങ്ങിയ നിന്നെ പറ്റി എല്ലാവരും എന്ത് പറയും.?? ബുള്ഗാന് ആരെങ്കിലും ഓര്ത്തെടുക്കുമോ....
എബി തോമസ്
No comments:
Post a Comment